حلوة ..ليك ..وحشة.. سيبك منها...جامدة ..شير ... رفرش... مفيش جديد...
ده حال اى حد مننا بعد ما فقدنا روح المباردة اللى كانت اكبر مكسب فى الثورة وقعدنا تانى عالنت وفى الشغل وعلى الطرق نندب حظنا واللى بيتعمل فينا لو نفتكر بعد التنحى مباشرة كمية المبادرات والشعور الايجابى والعمل للأفضل هنعرف ازاى احنا اتهزمنا لما نسينا تانى ان ربنا جعلنا فى الأرض خلفاء احنا الى بنصنع الواقع لا نعيشه فقط ويصنعه لنا غيرنا المطلوب من كل واحد فينا حاسس بالألم او بالأمل او متفائل او متشائم انه يبدأ يحول الشعور ده لفعل يغير بيه الواقع مهما كانت صغيرة وحتى ان فشلت فى تغيير الواقع الخارجى فانها حتما ستنجح فى تغيير الواقع الداخلى وهى دى البداية الصحيحة لتغيير الواقع الخارجى لأن محدش بيصنع لحد نهضة اللى اتغير فى الثورة ورفض يعيش ذليل معدش بيرضى بالذل تانى خلاص فلو كلنا اتغيرنا دلوقتى هنشوف واقع افضل والتغيير مش هيكون بس مجرد ارادة اذا الارادة دى لم تتحول الى فعل فانها سريعا ما تخمد ويعود كل شئ اى ما كان عليه مثلا لو حد جاتله فكرة او شاف فكرة كويسة يبدأ فى دراستها وتنفيذها فورا بالوسائل المناسبة لو حد شاف اى شئ سلبى يبدأ فى تغييره فورا بدون انتظار لأن التغيير السياسى المرتقب لن يغير كل تفاصيل الحياة علم الاجتماع يقول ان السياسة هى اخر ما ينضج وده يتطلب مننا نفهم صح ونشتغل صح فى الخطين خط السياسة وخط الواقع المحيط عشان نغيرهم ولكن حتى ذلك لن ينضج السياسة بالمستوى المطلوب الا اذا نضج المجتمع كله والمجتمع لن ينضج الا اذا نضج قارئ هذا الكلام ووعى انه لابد له من تغيير واقعه الداخلى والخارجى اقرأ كتاب انصح غيرك بلغ عن فساد افضح رشوة قول للظلم لأ احرص على ان تكون من مناصرى الحق ايا كان حتى لو كان ضدك فالحق احق ان يتبع اكرر هزمنا يوم ان فقدنا العزم والشعور الايجابى فظل من يمتلك العزم يقاوم وحده وظل من فقده يتفرج اذا تغيرنا للأفضل سيتغير واقعنا لو انت حاسس بالأمل دلوقتى ابدأ فورا وحول هذا الشعور الى فعل حوله لمبادره حوله الى واقع.
0 التعليقات:
إرسال تعليق